കോപ്പിയടിയിലെ ലഘു അർത്ഥ ശാസ്ത്രം

എത്ര മികച്ച സ്ഥാപനങ്ങളായാലും പരീക്ഷാ ജോലികൾ നിർവഹിക്കപ്പെട്ട് പോകാനുള്ള അടിസ്ഥാന സൗകര്യങ്ങളുടെ ദൗർലഭ്യം മുതലെടുത്താണ് പലപ്പോഴും കോപ്പിയടി വ്യാപകമാകുന്നത് . അടുത്തടുത്ത് ഇരുന്ന് പകർത്തിയെഴുതുന്ന കുട്ടികളെ ഒന്ന് മാറ്റിയിരുത്താൻ പോലുമുള്ള സൗകര്യക്കുറവ് പലയിടത്തുമുണ്ട്. ധാർമ്മിക രോക്ഷം അടക്കി വച്ച് ഇൻവിജിലേഷൻ ഡ്യൂട്ടി കഴിച്ച് പോകാൻ പലപ്പോഴും അധ്യാപകർ സ്വയം നിർബന്ധിതരാകുന്നു.

എന്നിരുന്നാലും, പരിമിതമായ സാഹചര്യങ്ങളിലും കൃത്യനിർവഹണം ഏറെക്കുറെ ഫലപ്രദമായിത്തന്നെ മുന്നോട്ട് പോകുന്ന കാഴ്ചയാണ് ഒറ്റപ്പെട്ട ഇത്തരം സംഭവങ്ങൾ ( ഫാത്തിമ കോളജ് വിഷയം ഉൾപ്പെടെ ) ഒഴിവാക്കിയാൽ കാണാൻ സാധിക്കുന്നത്. അപ്പോൾ അത് അധ്യാപകർ ആർജ്ജിച്ച ചില സവിശേഷ വൈദഗ്ധ്യങ്ങളുടെ അടിസ്ഥാനത്തിലാണന്നാണ് മനസ്സിലാക്കുന്നത്.