മൊബൈൽ ഫോണുകളുടെ ഉപയോഗം ആ ബാലവൃദ്ധം ജനങ്ങളിലും വ്യാപകമായിരിയ്ക്കുന്ന ഒരു വർത്തമാന കാലഘട്ട യാഥാർത്ഥ്യത്തിലൂടെയാണ് നാം കടന്നു പോകുന്നത്. ഇന്ന് നമുക്കറിയാം, ഞാൻ ഉൾപ്പെടെ നിങ്ങളിൽ പലരും റിസ്റ്റ് വാച്ചിന്റെ ഉപയോഗം ഗണ്യമായി കുറച്ചിട്ടുണ്ട്! അതേ പോലെ, ക്യാമറയുടെ ഉപയോഗം, ടി വി ചാനലുകൾ മാറ്റുന്നതിനായുള്ള സ്പെസിഫിക് റിമോട്ടുകളുടെ ഉപയോഗം, അതേ പോലെ എ.സി. റിമോട്ട് കളുടെ ഉപയോഗം, യാത്ര പോകുമ്പോൾ ഉപയോഗിച്ചിരുന്ന ദിശാസൂചിക ക ളു ടെ ഉപയോഗം, അന്തരീക്ഷ മർദ്ദം, അന്തരീക്ഷ ഊഷ്മാവ് എന്നിവ അളക്കുന്നതിനുള്ള ഉപകരണങ്ങൾ തുടങ്ങി ഒട്ടനവധി വസ്തുക്കളുടെ ഉപയോഗം ലോപിച്ച് ഇല്ലാതാകുന്നുണ്ട്! എന്ത് കൊണ്ട് ഇത് സംഭവിയ്ക്കുന്നു എന്ന് ആലോചിച്ച് ചെല്ലുമ്പോഴാണ് മോബൈൽ ഫോണുകളിൽ ചെന്നെത്തുന്നത്. ഫോൺ കോളുകൾ ചെയ്യാനും മെസേജ് അയയ്ക്കാനും ഇന്റർനെറ്റ് ഉപയോഗിക്കാനും മാത്രമല്ല, മേൽ സൂചിപ്പിച്ച ഉപയോഗങ്ങളും ഒരു മൊബൈൽ ഫോൺ കൊണ്ട് സാധിച്ചെടുക്കാമെന്ന അവസ്ഥ വന്നിരിയ്ക്കുന്നു. അതായത്, മേൽപ്പറഞ്ഞ ഫീച്ചറുകളെല്ലാമടങ്ങിയ ഒരു മൾട്ടി പർപ്പസ് സ്മാർട്ട് ഡിവയ്സ് ആയി മൊബൈൽ ഫോണുകൾ മാറിയിരിയ്ക്കുന്നുവെന്ന് സാരം.
ഈ മാറ്റം, ഡിജിറ്റൽ ടെക്നോളജിയുടെ കടന്ന് വരവിനെ ആസ്പദമാക്കി വിശദീകരിക്കാൻ ശ്രമിയ്ക്കുമ്പോഴും, 2019 ൽ കെമിസ്ട്രിയ്ക്ക് നോബൽ സമ്മാനാർഹമായ ലിഥിയം അയോൺ ബാറ്ററിയുടെ കണ്ടു പിടുത്തത്തെ മറന്ന് കൊണ്ടാകാൻ സാധിയ്ക്കുന്നില്ല! 2019 ൽ കെമിസ്ട്രിക്ക് നോബൽ സമ്മാനം നേടിയ ജോൺ ബി. ഗുഡ് ഇനഫ് ( ടെക്സാസ് യുണിവേഴ്സിറ്റി), എം. സ്റ്റാൻലി വിറ്റിങ്ഗ്ഗാം ( ബിൻഗാംടൺ യൂണിവേഴ്സിറ്റി, ന്യൂയോർക്ക്), അറിക് യോഷിനോ (മിജോ യൂണിവേഴ്സിറ്റി, ജപ്പാൻ) എന്നിവർ , സോളിഡ് ഇലക്ക് ട്രോളൈറ്റ് എന്നറിയപ്പെടുന്ന ലിഥിയം അയോൺ ബാറ്ററിയുടെ കണ്ടു പിടുത്തത്തിലേക്ക് നയിച്ച നീണ്ട ഗവേഷണ പ്രവർത്തനങ്ങളിൽ മുഴുകിയിരുന്നവരാണ്. വാസ്തവത്തിൽ മൊബൈൽ ഫോൺ അടക്കമുള്ള ഡിജിറ്റൽ സ്മാർട്ട് ഉപകരണങ്ങൾ ഒരു കൈകുമ്പിളിൽ ഒതുക്കി വളരെ ഹാൻഡിയായി ഉപയോഗിക്കാൻ സാധിക്കുന്നതിൽ, ഈ ലിഥിയം അയോൺ ബാറ്ററിയുടെ ഉപജ്ഞാതാക്കൾക്കും അത് വഴി ഓരോ കെമിസ്ട്രിക്കാർക്കും അഭിമാനിയ്ക്കാം. മൊബൈൽ ഫോണുകൾ കൊണ്ട് വന്ന ഈ വിപ്ലകരമായ മാറ്റങ്ങളുടെ അടിത്തറ പാകിയിരിയ്ക്കുന്നത് ലിഥിയം അയോൺ ബാറ്ററികൾ കൂടിയാണ്. ഗാഡ്ജറ്റുകളുടെ മിനിയേച്ചറൈസേഷനിൽ ഒരു വലിയ പങ്ക് വഹിക്കാൻ അവശ്യം വേണ്ട 6 വോൾട്ട് അല്ലങ്കിൽ 12 വോൾട്ട് ഊർജ്ജസ്ത്രോതസ് പരിമിതമായ സ്സ്പേസ് യൂട്ടി ലൈസേഷനിലൂടെ നൽകാൻ ലിഥിയം അയോൺ ബാറ്ററിയുടെ കടന്ന് വരവോടെ സാധിക്കപ്പെട്ടു എന്നത് വിപ്ലവകരം തന്നെ.
(07/01/2020 ൽ കെമിസ്ട്രി അസോസിയേഷൻ ഉത്ഘാടനവുമായി ബന്ധപ്പെട്ട് ടി കെഎംഎം കോളേജിൽ നടത്തിയ ആശംസാ പ്രസംഗം)
No comments:
Post a Comment